Wezîrê Karên Derve yê Amerîkayê, bi wezîrê Ermenistan û Azerbaycanê re civîyaye

ORTADOGU NEWS -

Li gor nûçeya VOA Kurmancîyê, Pompeo berê bi qasî 40 deqîqeyan bi hevtayê xwe yê Azerbaycanê Ceyhun Bayramov re axifî.

Dûre, Wezîrê Derve yê Ermenistanê Zohrab Mnatsakanyan çû Wezareta Derve ya Amerîkayê.

Berdevika Wezareta Derve ya Amerîka Morgan Ortagus ser civînên bi wezîrên Ermenî û Azerî re daxuyanîyeke nivîskî belav kir.

Di daxuyanîyê de hat gotin ku Pompeo ji her du alîyan xwestiye ku pevçûnên xwe yên li herêma Nagorno – Qarabaxê rawestînin û berevanîya sîvîlan bikin.

Wezîrên derve yên Ermenistan û Azerbaycanê serdana Moskowayê jî kiribûn, lê hewildanên lihevkirinê yên bi navbeynkarîya Rûsya bi ser neketibûn.

Serokwezîrê Ermenistanê Nikol Pashinyan gotibû ku ew bo demeke nêzîk ti çareserîyeke dîplomatîk nabîne û Serokomarê Azerbaycanê Îlham Alîyev jî dîyar kiribû ku heta hêzên Ermenistanê ji Nagorno – Qarabaxê venekişin ewê operasyonên wan ranewestin.

Anahtar Kelimeler:
AmerikaErmenistanAzerbaycan
Avatar
Adınız
Yorum Gönder
Kalan Karakter:
Yorumunuz onaylanmak üzere yöneticiye iletilmiştir.×
Dikkat! Suç teşkil edecek, yasadışı, tehditkar, rahatsız edici, hakaret ve küfür içeren, aşağılayıcı, küçük düşürücü, kaba, müstehcen, ahlaka aykırı, kişilik haklarına zarar verici ya da benzeri niteliklerde içeriklerden doğan her türlü mali, hukuki, cezai, idari sorumluluk içeriği gönderen Üye/Üyeler’e aittir.